பிளாஸ்ட் திரை விமர்சனம்: ஆக்ஷன் கிங் அர்ஜுனின் பிளாஸ்ட் படம் எப்படி இருக்கு? குடும்பத்துடன் பார்க்கலாமா?

Image Credit: AGS Entertainment / CineTrendzTamil Team

வணக்கம் CineTrendzTamil வாசகர்களே! தமிழ் சினிமாவில் பல தசாப்தங்களாகத் தனது அதிரடி சண்டை காட்சிகளால் ரசிகர்களைக் கவர்ந்து 'ஆக்ஷன் கிங்' ஆக வலம் வரும் நடிகர் அர்ஜுன், ப்ரீத்தி முகுந்தன் மற்றும் அபிராமி நடிப்பில், அறிமுக இயக்குநர் சுபாஷ் கே. ராஜ் இயக்கத்தில் இன்று திரையரங்குகளில் பிரம்மாண்டமாக வெளியாகி இருக்கும் திரைப்படம் தான் 'பிளாஸ்ட்' (Blast). முழுக்க முழுக்க பக்கா பேமிலி ஆக்ஷன் டிராமா கதைக்களத்தில் உருவாகியுள்ள இந்த திரைப்படம் ரசிகர்களின் எதிர்பார்ப்பை எந்த அளவுக்குப் பூர்த்தி செய்துள்ளது என்பதை விரிவான விமர்சனத்தில் பார்க்கலாம் வாங்க.

பெண்களின் துணிச்சலைப் பேசும் பிளாஸ்ட் படத்தின் விறுவிறுப்பான கதைக்களம்!

படத்தின் கதையின்படி, கராத்தே மாஸ்டராக இருக்கும் அர்ஜுன், தன் மகள் ப்ரீத்தி முகுந்தனுக்கு சிறு வயதில் இருந்தே கராத்தே மற்றும் தற்காப்புக் கலைகளைக் கற்றுக்கொடுத்து வளர்க்கிறார். ஒரு பெண் எப்போதும் துணிச்சலாக இருக்க வேண்டும் என்றும், எதற்கும் யாருடைய துணையையும் நாடக்கூடாது என்றும் தனது மகளின் மனதில் ஆழப் பதிய வைக்கிறார். அதுமட்டுமன்றி, தன் கண்முன் யாருக்கு எங்கு தவறு நடந்தாலும், அவர்களுக்குத் துணையாகத் தைரியமாக நிற்க வேண்டும் என சொல்லி வளர்க்கிறார். தந்தையின் பேச்சை வேதவாக்காகக் கேட்கும் மகள் ப்ரீத்தி, தன் கண்முன் நடக்கும் அநியாயங்களை தட்டிக்கேட்டு, எதிர்த்து அடிக்க வருபவர்களை கராத்தே ஸ்டைலில் போட்டுப் பொளந்து எடுக்கிறார்.

மகளின் இந்த அதிரடி நடவடிக்கைகளால், எங்கே அவள் ஏதேனும் பெரிய ஆபத்தான பிரச்சினையில் சிக்கிக்கொள்வாளோ என நினைத்து தாய் அபிராமி தினம் தினம் பயந்து கவலைப்படுகிறார். இவர்களின் வாழ்க்கை ஒருபுறம் இப்படி எமோஷனலாக நகர, மறுபுறம் படத்தின் வில்லன் கார்ப்பரேட் பேராசையுடன் மிகவும் விலையுயர்ந்த இயற்கை கனிமங்களை எடுப்பதற்காக, ஒரு ஒட்டுமொத்த கிராமத்தையே அழிக்க சதித்திட்டம் தீட்டுகிறார். இதற்காகத் துறை சார்ந்த அமைச்சரைச் சந்தித்து அனுமதி கேட்க, அந்த அமைச்சர் இந்த திட்டத்தின் முழு மதிப்பு 7,000 கோடி ரூபாய், அதில் எனக்கு லஞ்சமாக 1,000 கோடி ரூபாய் தந்துவிடுங்கள் என டீல் பேசுகிறார். அதற்கான பணத்தை ஏற்பாடு செய்து ஒரு முக்கிய நபரிடம் பொறுப்பு ஒப்படைக்கப்படுகிறது.

ஆனால், எதிர்பாராத சில திருப்பங்களால் அந்த நபரால் அந்த பெரும் தொகையை அமைச்சரிடம் சேர்க்க முடியாமல் போகிறது. இதற்கிடையில், இந்த 1,000 கோடி ரூபாய் ஊழல் பிரச்சினையில் எதிர்பாராத விதமாக அர்ஜுனின் குடும்பம் சிக்கிக்கொள்கிறது. இதன்பின் என்ன நடந்தது? வில்லன்களின் சதியை அர்ஜுன் குடும்பம் எப்படி எதிர்கொண்டது? அந்த ஆபத்தில் இருந்து அவர்கள் எப்படி தப்பித்தார்கள்? என்பதை விறுவிறுப்பான ஆக்ஷனுடன் சொல்லியிருக்கும் திரைப்படம் தான் இந்த பிளாஸ்ட்.

இயக்குநரின் அசாத்திய உழைப்பும் நட்சத்திரங்களின் மிரட்டலான ஆக்ஷன் அவதாரமும்!

படத்தின் தலைப்புக்கு ஏத்த மாதிரியே, ஆரம்பத்தில் இருந்து படம் முழுக்க வரும் சண்டை காட்சிகள் எல்லாமே சும்மா 'பிளாஸ்ட்' ரகம் தான் நண்பா! ஒவ்வொரு சண்டை காட்சியையும் மிகவும் நேர்த்தியாகவும், அதே சமயம் தியேட்டரில் ரசிகர்களுக்கு சீட் எட்ஜ் விறுவிறுப்பைத் தரும் வகையிலும் வடிவமைத்துள்ளார் ஸ்டண்ட் மாஸ்டர் பீனிக்ஸ் பிரபு. அவருக்கு நம்ம CineTrendzTamil சார்பாக முதல் வாழ்த்துக்கள்! படத்தில் ஒரு இடத்தில் கூட சண்டை காட்சிகள் சலிப்பையோ அல்லது முகம் சுழிக்கும் அளவிற்கோ இல்லை என்பது மிகப்பெரிய பிளஸ் பாயிண்ட்.

அறிமுக இயக்குநர் சுபாஷ் கே. ராஜ், தனது முதல் படத்திலேயே ஒரு வலுவான சோசியல் மெசேஜ் கலந்த ஃபேமிலி ஆக்ஷன் டிராமா கதையைத் தேர்ந்தெடுத்து, அதனைத் திரைக்கதையாகச் சிறப்பாகக் கையாண்டுள்ளார். படத்தின் முதல் பாதியில் ஆங்காங்கே சில இடங்களில் லேசான தொய்வு ஏற்பட்டாலும், இரண்டாம் பாதி வேற லெவல் வேகத்தில் நகர்கிறது. கூர்மையான வசனங்கள், நேர்த்தியான கேமரா மூவ்மென்ட்ஸ், கதாபாத்திர வடிவமைப்பு மற்றும் திரைக்கதையில் வரும் சிறு சிறு சர்ப்ரைஸ் எலிமெண்ட்ஸ் ஆகியவை படத்திற்குப் பெரும் பலம் சேர்த்துள்ளன.

ஆக்ஷன் கிங் அர்ஜுனைப் பற்றி நாம் சொல்லித் தெரிய வேண்டியதில்லை. திரை வாழ்க்கையில் 46 ஆண்டுகளைக் கடந்தும் ஆக்ஷனில் இன்றும் அவர்தான் நம்பர் 1 என்பதை நிரூபித்துள்ளார். இப்படத்தில் ஒரு கராத்தே மாஸ்டராக சண்டைக் காட்சிகளில் தனது முழு உழைப்பையும் போட்டுப் பின்னிப் பெடலெடுத்துள்ளார். அவருக்கு நிகராக ஆக்ஷன் காட்சிகளில் மிரட்டியுள்ளார் ப்ரீத்தி முகுந்தன். 'ஆச கூட' பாடல் மூலம் ரசிகர்களின் மனதைக் கவர்ந்த இவரை, இந்த படத்திற்குப் பிறகு ரசிகர்கள் 'ஆக்ஷன் பிரின்சஸ்' என்று தாராளமாகக் கூப்பிடலாம்! அந்த அளவிற்குப் பட்டையைக் கிளப்பியுள்ளார். மேலும், 'விருமாண்டி' அன்னலட்சுமியா இது என வியக்கும் அளவிற்கு அசாத்தியமான சண்டை காட்சிகளில் மிரட்டியுள்ளார் நடிகை அபிராமி. உடல் எடையைக் குறைத்து கடினமான ஆக்ஷன் காட்சிகளில் அவர் காட்டியுள்ள அர்ப்பணிப்பு பாராட்டுக்குரியது.

பெண் விழிப்புணர்வும் (Women Empowerment) படத்தின் பிற தொழில்நுட்பக் கலைஞர்களும்!

இவர்களைத் தவிர்த்து வில்லன் மற்றும் முக்கிய கதாபாத்திரத்தில் நடித்த நடிகர் அர்ஜுன் சிதம்பரம் கவனம் பெறிறார். 'பொன்னியின் செல்வன்', 'நேர்கொண்ட பார்வை' படங்களில் நடித்த இவருக்கு, இந்த பிளாஸ்ட் திரைப்படம் அவரது திரை வாழ்க்கையில் ஒரு முக்கிய மைல்கல்லாக அமையும். வெறும் சண்டை காட்சிகளை மட்டும் நம்பாமல், இன்றைய சமூகத்திற்குத் தேவையான 'Women Empowerment' குறித்து இயக்குநர் அழுத்தமாகப் பேசியுள்ளார். ப்ரீத்தி முகுந்தன் தனது அலுவலகத்தில் சந்திக்கும் துன்புறுத்தல்களை (Harassment) எப்படித் தைரியமாக எதிர்கொள்கிறார் என்று காட்டிய விதம், பெண்களிடம் தவறாக நடக்க நினைப்பவர்களுக்குச் சாட்டையடி!

நமக்குத் தெரிந்தவர்களுக்கு அநீதி நடந்தால் மட்டும் நாம் தட்டிக்கேட்கக் கூடாது, நமக்கு யார் என்றே தெரியாத ஒரு முன்பின் தெரியாத நபருக்கு அநீதி நடந்தாலும் அதை நாம் தட்டிக்கேட்க வேண்டும் என படத்தில் சொல்லியிருக்கும் மெசேஜ் பாராட்டுக்குரியது. ரவி பஸ்ரூரின் (Ravi Basrur) மிரட்டலான பின்னணி இசை இப்படத்தின் ஆக்ஷன் காட்சிகளுக்குப் பயங்கர பலம் சேர்த்துள்ளன. இருப்பினும் ஒரு சில இடங்களில் இன்னும் கொஞ்சம் கவனம் செலுத்தியிருக்கலாம் என்று தோன்றுகிறது. ஒளிப்பதிவு மற்றும் எடிட்டிங் தரம் படத்தை அடுத்த லெவலுக்குக் கொண்டு சென்றுள்ளது.

நம்ம CineTrendzTamil பார்வையில் படத்தின் பிளஸ் மற்றும் மைனஸ்:

• பிளஸ் பாயிண்ட் (Pros): அர்ஜுன், ப்ரீத்தி முகுந்தன், அபிராமி மற்றும் அர்ஜுன் சிதம்பரத்தின் அசாத்திய நடிப்பு. பீனிக்ஸ் பிரபு வடிவமைத்த வெறித்தனமான சண்டைக் காட்சிகள், தரமான கேமரா ஒர்க் மற்றும் உமன்ஸ் எம்பவர்மென்ட் கருத்துக்கள்.
• மைனஸ் பாயிண்ட் (Cons): பக்கா ஆக்ஷன் பிரியர்களைத் தவிர்த்து, லவ் மற்றும் காமெடி படங்களை விரும்பும் பொதுவான குடும்ப ஆடியன்ஸை படம் எந்த அளவிற்கு முழுமையாகக் கனெக்ட் செய்யும் என்பது சற்று கேள்விக்குறி தான். இதைத் தவிர படத்தில் பெரிய குறைகள் எதுவும் இல்லை.

மொத்தத்தில், விறுவிறுப்பான கமர்சியல் மற்றும் ஃபேமிலி ஆக்ஷன் டோராவில் உருவாகியுள்ள இந்த 'பிளாஸ்ட்' திரைப்படம், ஆக்ஷன் ரசிகர்களுக்கு தியேட்டரில் ஒரு செம்ம 'பிளாஸ்டு பிளாஸ்டு' விருந்து தான் என்பதில் சந்தேகமில்லை. இந்த வார இறுதியில் தாராளமாகக் குடும்பத்துடன் தியேட்டருக்குச் சென்று பார்க்கலாம்!

சினிமா செய்திகளை உடனுக்குடன் தெரிந்துகொள்ள நம்ம CineTrendzTamil இணையதளத்தை எப்போதும் ஃபாலோ பண்ணுங்க! ❤️🙏