பாக்கெட் நாவல்: விஜய் சேதுபதி - தியாகராஜன் குமாரராஜாவின் புதிய பிரம்மாண்டம்! | Pocket Novel Update

மீண்டும் இணையும் 'ஷில்பா' கூட்டணி! தியாகராஜன் குமாரராஜாவின் "பாக்கெட் நாவல்" - அதிரடி அப்டேட்!

விஜய் சேதுபதி நடிக்கும் 'பாக்கெட் நாவல்' படத்தின் மிரட்டலான தலைப்பு போஸ்டர்!

தமிழ் சினிமாவின் மிகவும் எதிர்பார்க்கப்படும் கூட்டணியான இயக்குநர் தியாகராஜன் குமாரராஜா மற்றும் மக்கள் செல்வன் விஜய் சேதுபதி மீண்டும் ஒரு புதிய திரைப்படத்திற்காக கைகோர்த்துள்ளனர். 'சூப்பர் டீலக்ஸ்' படத்தின் பிரம்மாண்ட வெற்றிக்குப் பிறகு உருவாகும் இந்தப் படத்திற்கு 'பாக்கெட் நாவல்' (Pocket Novel) எனப் பெயரிடப்பட்டுள்ளது.

"7 ஆண்டுகளுக்குப் பிறகு தியாகராஜன் குமாரராஜா இயக்கும் முழுநீளத் திரைப்படம் இது என்பதால் ரசிகர்களிடையே எதிர்பார்ப்பு விண்ணைத் தொட்டுள்ளது".

பாக்கெட் நாவல்: படத்தின் முக்கிய அம்சங்கள்

இப்படத்தின் படப்பிடிப்பு சென்னையில் அதிகாரப்பூர்வமாகத் தொடங்கி நடைபெற்று வருகிறது. இப்படத்தைப் பற்றிய சில முக்கியமான தகவல்கள் இதோ:

• இசைஞானி இளையராஜா கூட்டணி: முதல்முறையாக தியாகராஜன் குமாரராஜாவின் திரைப்படத்திற்கு இசைஞானி இளையராஜா இசையமைக்கிறார். ஏற்கனவே 'மாடர்ன் லவ் சென்னை' தொடரில் இவர்கள் இணைந்து பணியாற்றியது குறிப்பிடத்தக்கது.
• நட்சத்திரப் பட்டாளம்: விஜய் சேதுபதியுடன் கன்னடத்தின் முன்னணி நடிகர் ராஜ் பி ஷெட்டி (Raj B Shetty), கிஷோர் மற்றும் மாளவிகா மோகனன் ஆகியோர் முக்கியக் கதாபாத்திரங்களில் நடிக்கின்றனர். ராஜ் பி ஷெட்டி இப்படத்தில் வில்லனாக அறிமுகமாகிறார் எனத் தெரிகிறது.
• தொழில்நுட்பக் குழு: இப்படத்திற்கு முன்னணி ஒளிப்பதிவாளர் நீரவ் ஷா கேமரா கையாள்கிறார். 'சூப்பர் டீலக்ஸ்' எடிட்டர் சத்யராஜ் நடராஜன் எடிட்டிங் பணிகளை மேற்கொள்கிறார்.
• கதை மற்றும் திரைக்கதை: இப்படத்தின் கதை மற்றும் திரைக்கதையை 'கொலைகாரன்' மற்றும் 'வதந்தி' புகழ் இயக்குநர் ஆண்ட்ரூ லூயிஸ் (Andrew Louis) எழுதியுள்ளார்.

தயாரிப்பு மற்றும் வெளியீடு

தியாகராஜன் குமாரராஜா தனது சொந்த தயாரிப்பு நிறுவனமான 'டைலர் டர்டன் மற்றும் கினோ ஃபிஸ்ட்' (Tyler Durden and Kino Fist - TDKF) மூலம் இந்தப் படத்தைத் தயாரிக்கிறார்.

Shoot Begins for Thiagarajan Kumararaja’s #POCKETNOVEL @ilaiyaraaja #ThiagarajanKumararaja
@MalavikaM_ @RajbShettyOMK #ActorKishore @dhilipaction @tylerdurdenand1 #NiravShah @andrewxvasanth @Emadhi161 @just_cut_it @YugabhaarathiYb @artdir_raja @gopiprasannaa #CHBalu @_gbalaji… pic.twitter.com/mmBtpeNWwZ

— VijaySethupathi (@VijaySethuOffl) February 16, 2026

இப்படம் தமிழ் மட்டுமல்லாமல் ஹிந்தி, மலையாளம் மற்றும் கன்னடம் ஆகிய 4 மொழிகளில் பான்-இந்தியா (Pan-India) படமாக வெளியிடப் படக்குழு திட்டமிட்டுள்ளது. இப்படத்தின் ஃபர்ஸ்ட் லுக் போஸ்டரில் பணக்கட்டுகளுடன் ஒருவர் பள்ளத்தில் விழுவது போன்ற காட்சி இடம் பெற்றுள்ளது படத்தைப் பற்றிய ஆர்வத்தைத் தூண்டியுள்ளது.

எதிர்பார்ப்பு:

'ஆரண்ய காண்டம்' மற்றும் 'சூப்பர் டீலக்ஸ்' எனத் தமிழ் சினிமாவில் ஒரு புதிய டிரெண்டை உருவாக்கிய தியாகராஜன் குமாரராஜா, மீண்டும் விஜய் சேதுபதியுடன் இணைந்திருப்பது ரசிகர்களுக்கு ஒரு செம ட்ரீட் என்பதில் சந்தேகமில்லை.

🎬 சினிமா செய்திகளை உடனுக்குடன் தெரிந்துகொள்ள எங்களைப் பின்தொடருங்கள்! 🔥